طعم الذكرى
بكري جابر
…..
تصدق يا اخي
طعم الذكرى دي بنت بنوت
بِكر
وخضره
و حضنها دافي
شيء ملكوت
زي السحر
تاخد قلبك
روحك
كلك
تهرب بيك و لأي مكان
عالم تاني
تحس انها بتعيد تكوينك
حتى القاسي اللي انت كرهته
تحس انها أحلى الأوقات
عمره ما مات امبارح لحظة
و لا بيموت
يااااه ع الذكرى ام الحودايت
وجع الناي
زي الشاي ابو نعناع اخضر
لما تكون مطرود م الدنيا
انت و هي
تفرشوا شال من ضي امبارح
تفتحوا باب الشوق سلامات
أمك
قلبك
صاحبك
هي …
و هات ياعياط
تضحك
تفرح
ترقص
تاني …
تحضن نفس الواد وتروووح
…..
…..
ترجع تاني
تلم الشوق في جراب تنهيده
ترمي سلام
تقفل باب الذكرى و تمشي
لكن كلك …
لسه هناك
التعليقات مغلقة.