مولد وصاحبه غايب.بقلم.زينب سليم
مولد كان صاحبه ليه غايب ؟
عشان عقله أكيد خايب ..!!!
لا صان الود …… والعشرة
وحبل وصاله كان دايب
وشن هجوم بصواريخه
هد ماضيه وتواريخه ….!!
واما زاد ….. في تلبيخه
وكان بالسوء … بيتعاجب
شطبنا اسمه من القايمة
ولا نفوسنا عليه ….. لايمة
ماهي قصة اكيد دايمة
بين اللي صان لحد يخون
عيشه وملحه لقاه بيهون
عشان عاشر خسيس مجنون
لسانه كان سليط سايب ..!!
ف مولد صاحبه كان غايب
عشان عقله .. أكيد خايب
لا صان الود والعشرة ….!!!!
وحبل وصاله … كان دايب
وحبل وصاله … كان دايب
Zenab Seleem
التعليقات مغلقة.