” فكرنى بعُمَر ” شعر/ حسن أبوعرب
أدىَ الصلَا والزكَا
والفَرض صامُه دهور
والخير سعالُه انَّمَا
للفقر كان مجبُور
ع الحِج غير مُقتدِر
كان أملُه مره يزُور
ع الدنيا يامَا صَبَر
فلاح وطبعُه غيُور
لا باع ضميرُه وخسَر
أو بات ذليل مكسور
راضى بحُكم القدَر
عاش مبتلَى وصبُور
أبويا شمس وقمر
كانلِّى الدفا والنور
كان للعطاشى المطر
كان الخَضَار للبُور
شامخ شموخ الشجر
ولا قلبه سكنُه غرُور
فكرنى عدلُه بعُمَر
وبسيرتُه عِشت فخُور
التعليقات مغلقة.