ضمة محبة…بقلم عبير عبدالمنعم
يمكن عشان ..
دندنت بالمكتوب
عملوني فيكي ياقمر ..
غنوة وسهراية…
فاكراني يوم ..
عن توب هواكي أتوب
إزاي دا وانتي ..
شمسي وحْمايا ؟!
ياليل معاند ..
ضحكة المجاريح
إياك تعادي الفرح جوايا
مَدّد ياحِبي ..
قوم وشق الريح
صلّيلي فيها بحزني ..
دمعاية
محاسيبها واصلين ،،
والوصول مكتوب
دا نسيم حيطانهم ..
يشفي يا امّاية
درويش دا قلبي ..
دوبوه إخلاص
مستني دوره ..
يلم في خُطايا
يامسك ماسك ..
قلبي والتلابيب
ضمة محبة و …
تكمل الآية
التعليقات مغلقة.