لو يوم جناح انكسر
كمل طريقك قوم
واوعاك تبطل عوم
دي السكه لسه طويله
والعمر مش باليوم
واحلم وهات حلمك
لو وسط شوك نقيه
وازرع امل وارويه
يخضر تفرح بيه
واوعى الوجع يخطفك
ويكسر المجاديف
من غير حبال الامل
الليل هيبقي مخيف
وافرد جناحك طير
لو هل فجر النور
وارسم لبكره طريق
لو حتى في الضلمه
واوعاك في وقت الضيق
تنطق ولا كلمه
واغزل بروحك وطن
لو دنيتك ظالمه
وافتح بيبان الأمل
للشمس والعصافير
لو يوم جناح انكسر
بالتاني حاول طير
واوعاك تمل الغنا
لو عدا عليك امشير
بكره تعد الفرح
وتقيسه بالقناطير
واوعاك يدق الوجع
وفي روحك المسامير
تفضل في نفس القفص
عصفور وحلمه يطير
اشرف الشناوي
شاعر عاميه
التعليقات مغلقة.