نقطةصفر … بقلم الشاعر /محمود فهمي
و روحك طالعه
بترفرف
في وقت الموت
ف موت بهدوء
عشان ما
اسمعش تنهيدك
و لا تطبطب فى يوم ايدى
على ايدك
ما انا ايدي اللي
مش طايلاك
و حتى عيونى
بتغمَّض
بتتعامى
ومش شايفاك
لا مش عربي
ولا فاهم
وبعت الاخوه
والنخوه
في سوق بهتان
وشايف دمنا ميه
انا العربي اللى ويادوبك
باتابع كسرتي و موتَك
يوماتي ف نشرة الأخبار
فلسطيني
تعيش مجدك
وترسم ع المدى
بدمك
خريطه موضحه
جبني
يدوبك نقطه
مطموسه
و صفر كبيير
على شمالك
ب١٠٠ معنى
ماليش معنى
دموع زايفه
وتنهيده تجمعنا
واروح اكتبلى
تدوينه
على تويتر
وانام مرتاح!
التعليقات مغلقة.