حروف الشعر.عامية..بقلم .علا فياله
في شعر ياخدك يسحرك
وتعيش معاه فوق المحال
و جمال ميزانه بيأسرك
و بُساطه يفرش لك خيال
تنسى اللي كانوا في يوم ألم
و تعيش بخير بين السطور
تحضن في حرفك بوح قلم
تلقى النغم حاضن في نور
في شعر ياخدك للأمل
و شعر مجنون في البراح
و شعر شين يزرع لغم
فتدوق معاه طعم الجراح
في كلمة تتقال توجعك
و كلمة تفتح لك قلوب
و كلام في صمتك يسمعك
و يكون صديقك في الدروب
عيش بالقلم لمسة أمل
رغم الألم …….قلبك حياه
و اغزل بحرفك توب نغم
من غير دموع و ندم و آه
علافياله
التعليقات مغلقة.