باحلم بيوم … شعر السيد الشيتى
باحلم بيوم انسى هموم
عمرى ال ضاع
وابعد بعيد عن ناس
عمى قلوبها الصراع
ووشوش بتلبس كل
يوم خمسين قناع
ناس علموا قلبى الضعيف
معني الضياع
مبقتش عارف مين شارينى
من ال باع
دا انا كنت سايب قلبي ليهم
ع المشاع
ودعت احلامى ال
خلوها سراب
وسجنت ايامى ف سجن
ملوهش باب
حتى خريف عمري ال باقى
نوره غاب
دفنوا حياتى بالحيا
من غيرحساب
وسقونى من كاس ظلمهم
ذل العذاب
دول علموا قلبى الملل
والصبر داب
ليه يازمن علمت قلبى الانكسار
وزرعت فى ايامى
أشجار المرار
خلتنى اشوف الضلمه في
عز النهار
قلقان وعايش دنيتى
رهن انتظار
توهتنى خلتنى عايش
وسط نار
انا تاه دليلى يازمن
ضاع القرار
نفسى اضحك بس
خايف م الزمان
وان ضحكت الحزن
ف عيونى يبان
نفس اشوف كل العيون
فيها الأمان
نفسى صوت الحق ينده
تسمعه كل ال ودان
التعليقات مغلقة.