أصعب حلم.بقلم.وحيد علي الجمال
اللي تشوفة كأنه كابوس
كل ما تهرب منه وتبعد
يجي بوجعه عليك و يدوس
يمكن ذنب ملوش كفارة
أو دي رسالة عليها أمارة
وساعات رغم الشده بشارة
ساكنه حواري ضمير الحارة
لما جارتنا تكون ملبوسة
كنا نقص الورقة عروسة
و نولعها للمحسودة
ندعك ف القورة المنحوسة
لسه الحلم ساكن في ضميرك
قاتل فرحه في وسط جبينك
حتى في علمك برضه يجيلك
انت سجينه وهو سجينك
ماصص دم الليل في عيونك
صالب رمشك ويه جفونك
واقف وسط الهم بطولك
متشعلق على ضهر ظنونك
عمرك عدا كأنه خصيمك ؟!
وقعه دفاتر من تفاصيلك
انت حكاية غريبة في جيلك
كل ضباب الحزن النازف
بعد هدير المطر الجارف
خلاك تفهم خلاك عارف
فضل الجرح في توبك ناشف
من طبطبه بتمر مواسم
طعمها …ماسخ
فك العقده زادها طلاسم
علقم عسلك شارب كفنك
موتك رفضك رغم صيامك
حتى الطيبه فيك بتصارع
عايزاك رغم الزيف الطافح
تفضل عايش فيك متسامح
موج النوة هيفضل جامح
يرسم وشم ماضينا الكالح
انا مشطور نصين قدامك
نص بيعشق مر عذابك
والتاني بيلعن في كتابك
قلبي بيكسر فيك الجرة
وبيتسول مر رضاك
عمري ماكنت بحس ب ضعفي
انا وياك بكون مستقوي
يالي بحبك حب خرافي
..
وحيد علي الجمال
التعليقات مغلقة.