ياصباح الوِش اللي بيضحك… بقلم مصباح أبو حماد
ياصباح الوِش اللي بيضحك ويشعِ النور
على وردتيـن فِ خدوده وعبير وزهــور
على خِفة ضلُّه أمّا تحاكــي قلبه البنُّـور
القلب المليان بجماله، ورضـاه وسرور
الصبح يطُلّ على عيونه يزقزق عصفور
والـورد الناعس بِيْفتَّح علـى خَدِّ الحـور
على نغم الخطوة عشاقه واقفينله طابور
والكل فْ سرُّه بيِتمنى نظرة بعينيه
أو همسة راح تسعد قلبه وتْعلِّم فيه
وانا قاعد باغْزل فِ حروفي لجل ان أهديه
حرفين يتغنُّوا بجماله وْوصف يوفِّيه
أتاري حروفي بِيغيروا من غيرتي عليه
وديوان الشعر اللي كتبته حِليت معانيه
وبتسبق قلمي امّابيوْصف في جمال لياليه
احترت أوَصَّف ف جمالك ياخفيف الروح
والقلب مسافر فِ غرامك مطرح ماتروح
وجناين طرحك ولْغيري هُوَّاش مسموح
لطيوري السارحة امَّا تروح،عش ومفتـوح
وبخبّي غرامك ف كتابي وبلاها شروح
وبداري على شمعة حبي وانا كلي جروح
لا انا قادر اسيبك ولا قادر بالسر أبـوح
التعليقات مغلقة.