الطبله و المزمار … كلمات السندباد الطائر غريب الشعراوى
الطبله و المزمار
بيرقصوا التعابين
و الرقص فى الدوار
بيهز وسط الطين
……
يا مرقصين النوم
فى حبائل الإعدام
و مدلعين البوم
فى منصة الإعلام
…..
إعلام رديئ النوع
و الصنف كان مغشوش
دا الرقص فى الممنوع
فى الصوره كله رتوش
…..
ماسكات كتير للبشر
ووشوش تغش وشوش
غدر اللئيم انتشر
على الهاموش مرشوش
…..
مرشوش بجازه الزفر
فى كل بيت مهجور
و وش جحشه النِفِر
نْهَق بحرفه البور
……
يا طبالين حيينا
متمزمروش ماسكات
و لا تحرموش ضيينا
بضفيره و فيونكات
….
ضفيره م المرتشى
و فيونكه م الملعون
و يا ضحكه ما تفرفشى
الدمعه حطت جون
……
جوه شِباك فرحته
الحلم مات م الضيق
مات ما التقاش سبحته
فى مخيم المحاريق
…..
آهين تلاته اربعه
و الدمع كان دوار
و النقطه متجمعه
للطبله و المزمار
ونقووووول كمان
التعليقات مغلقة.