البشارة……بقلمي/وحيد علي الجمال
يوم خروجك بره قلبي
أعتبرت اليوم دا عيد
قولتلك فترة وعدت
يالا نبدأ من جديد
مش مهم الجرح علم
كان صغير أو كبير
المهم تعيش حياتك
إوعي تبقى له أسير
الفشل
وارد يصيبنا
والنجاح طبعا أكيد
يلّا رَبّع جوه نفسك
رتب الأوراق بنفسك
عِيش حلاوة لاندماج
خش جوه المود وحاول
تبقى ساحر مش مقاول
تجمع المعني في أساور
كنز روحك مش لغيرك
هي أصلا كل مالك
تبقى نفسك مش أسيرك
تفرد الفرحة في طولك
وأنت من غير احتلال
أنت أجمل في السكات
خد بقى فترة نقاهة
واستلم حبة وجاهه
عامل الدنيا بتفاهه
حرر الخيبة بنزاهه
هي أكتر حد خانك
هي باركت في احتلالك
وقتها استوطنت غيرك
عشت عمرك في الخديعة
كنت صفقة ضمن بيعة
التاريخ مابينطويش
بس هنعافر نعيش
إوعى ترجع للبداية
زي طقم في قلب نيش
انت صادق رغم أنفك
كنت متغطي بمشاعرك
تحكي سرك للي باعك
لسه هتضيع في عمرك
والسنين تجري في دفاعك
لسه هتبرر لغيرك
تشحت اللمة بجراحك
تشرح الطهر في سماحك
يابني سيبك مهما صابك
شيل بقى كل المواجع
خلي قلبك لك وتابع
طهره من عشق سابق
أقفله وبألف رمز
اللي يعرف سر قيمتك
راح يكون مفتاح حقيقتك
تبقى جبره و هو جبرك
تبقى سره ويبقى سرك
تنسى بيه مر الحماقة
لو خيالك جاب في سيرته
الحنين يرسل إشارة
والعيون تلمع أمارة
هو ده الحب الأكيد
اللي دايما بالبشارة
كل يوم عايش في عيد
وحيد علي الجمال
التعليقات مغلقة.