نَعْش … بقلم هناسعد
كِيفْ و إزاى الموت فى عيونك قريب هين
وقلبك لسه بيتهدهد، وعودك ياصَغِير ليّن !؟
يهدوا الصخر من فوقك ومن حواليك
تشّيع ١٠٠جنازة ف يوم
وعمر الحزن مايهدك، أسد؛ والقهر ماتبين
يهاب الموت من عزْمك فتفضل رغم موتك حي
شهيد الحق؛ حقك جي
بتستقبل قضا ربك ببشرىَ واشتياق بيّن
وضحكة باينه على وشك، بكفنك جي متزين
طفل لعْبتُه مُوْتَه، ونعش أخوه على كتفه
لقى ربه، لقى حتفه، فى عز طفولته
قلبه يئنّ
و إيه يعنى ما عاشي حياة!
و إيه يعنى لقمته متغمسة بالدمع!
و إيه يعنى لِعبته نَعشُه!
مدام الحق وعد بالحق
غمة وبكرة لابد تزول
ربك رحيم أوي حنين
التعليقات مغلقة.