الخطايا…بقلم وحيد علي الجمال
قولي مين زود قسوتك
خلا صلحك مستحيل
هي أول مرة اخاصمك
واشكي منك ولا أعاتبك
عمري كله حافظه طبعك
ما احنا ياما زعلنا ياما
والخصام بقى عشرة بينا
مهما نبعد بيطاردنا
وان نسينا في يوم جراحنا
تلقى بيجدد وجعنا
ساب ما بينا ميت علامة
ده احنا من كتر الملامة
نبتت في الوش شامه
مين بقى غير طباعك
لبسك توب القساوة
خلي بالك خد نصيحتي
اوعي مايهمك عتابي
أو تزود يوم وجيعتي
انت أول حب شوفته
والكتاب فسرت وحيه
والسطور اللي في جوابي
انت ذنب ذنوب صحيفتي
وانت آخر الخطايا
لو في بعدك تتغفر لي
هدعي ربي وبطريقتي
يبقى غفرانها وصالك
….وحيد علي الجمال…….
التعليقات مغلقة.