وجع الضمير …بقلم شيماء عادل
مليتوا من وجع الضمير
وزهقتوا من كتر السكات
الليل طويل والعمر فات
والفشخره والمرجله
دفنوها ف لحظة ثبات
اتأكدوا ان اللي راح
لو جاي تاني يبقي ذل
وان حد مل من الوجع
اتذكروا ان اللي غابوا ودمهم اصبح سيول
احنا اللي شايلين ذنبهم
لو حتي رافض للحضور
وان جيت تُقر وتعترف
انك لايمكن تعترف
وانك محال تكون معاهم ف اللي حاصل واللي كان
هتروح تسلم علي اللي راحوا
ودمهم غرّق ميدان
اصبر وكمل ف الوجع
اعمل جدع
بس القلوب متفرقة
ما بين منافق راضي
بيعشق سكات
ومابين جبان
كل اللي عايزه لقمه وف ذُله يبات
اما اللي رافض الوجع
هارب مابين حبة سكات
التعليقات مغلقة.