ما راحش بلاش
شعر سيدة القصاص
ومين هايجيني
ع “المعرض”
يشاركني سروري
هناك؟
ويحضر سعد أيامي
وحلمي اللي
أتاني ملاك؟
في أرض الصبر
والحكمة
بدرته ف يوم
طرح لي…الآن
ثريات الجمال
أفلاك
وكل كلام كتبته
بشوق
ماراحش
بلاش
يا حلم حضنته
طول عمري
في ليل نتاش
حلفت بكل
أيماني
بجاه الله
ما اسلم حلمي
لزماني
ما أقول الآه
يارب ياجابر
الحزنان
هديتني حياة
وضعت
رجولي على
تبة رُبى
الإبداع.
يامصر ياعود
زرعته
ريحان يا أرض
وساع
عطيتك حب
عطتيني
ثمار الحلم
رسمتك نقش
تَكْويني
بلون الهم
وأخرتها…
ابتسمتي لي
ابتسامة أُم.
تعالوا لي حبايبي
قوام
وشوفوني باحقق
حلم ربيته
بكل هيام
واوعوا
تكرهوا الأحلام
دي عاوزة صبر
ع الأيام
تعالوا ودعوا
دموعي
وشدوا الضحكة
ياجدعان
تعالوا يا كل
كل الناس
وهنوني ..على
“مواويل حواري القلب”
على النشوى اللي
قايداني مشاعل حب
على النهر اللي
فاض إحساس
على البدر اللي
قام يتباس…
على أملي
اللي بات مرتاح….
على شاطئ هوى عيوني.
منتظراكم…
هناك في معرض القاهرة الدولي للكتاب 2020
في قاعة 2 C28 دار الجندي.
.
التعليقات مغلقة.