تباهي.بقلم.محمد الشناوى الشيوى
منقوش علي جبينى
عشق الوطن دينى
عشق الوطن جنه
ضحكه شرايينى
قالو العمر غالى
قلنا التراب أغلى
ياساكنه موالى
زيك دا مين أحلى
فرد القلوع خفى
قلبي داماله حدود
خيرك حمول كفى
ياأم الكرم والجود
أنفاسي عصافيرك
ترقص علي جنانك
والعزم من حيلك
حالف وبحياتك
هيعلي فيكي الدار
ويشق ألف نهار
عقلي في حبك طار
عترك في ورداتك
لأحلف يمين ويمين
بعيونك الحلوين
قلبي إنزرع ياسامين
إرويه ببسماتك
ياحمام ورايح فين
وإنته سمير الروح
نبت الزيتون لأرويه
لحظه طلوع الروح
يانجوم وبتلالي
من سحر موالي
عيني طرف شالى
من همهمات البوح
صوتك وسامعنى
صلاني جامعنى
أسبح وفى دروبك
وفضولي مانعنى
وأوصف لمرجانك
حسنك في سرحانك
والبحر شاربنى
من زهر رمانك
ياعيون مداويه
لفت النظر غيه
نظره بحنيه
وبعطفك إحيينى
منك مداد الشوق
لأعلي رايتك فوق
وإن مت سامحينى
الشاعر محمد
الشناوى الشيوى
التعليقات مغلقة.