لو سمحتِ … بقلم / وحيد علي الجمال
طفي نور آخر قصيدة
واقفلي بابها ونامي
كل معنى قلته فيها
كان لغيرك مش عشانك
كل باب مفتوح ما بينا
اوعي تنسي تقفليه
حتي مش عاوزه موارب
لو هتوصل سلسليه
العناد هيجب لي جلطة
كل شاردة وكل واردة
تنصبي مآتم عليها
هي ذات نفس المغالطة
لو ما متش م المماطلة
قلبي ع القبلة اعدليه
راح يموت قهرا وقصرا
جوه غيرتك كفنيه
أي منطق عكس فهمك
هو ضدك حطميه
اعملي لنفسك مبرر
و اجدلي ضفيرة ضمايرك
امسكي قلبي اشنقيه
عمري مااستنيت إجابة
أو زعلت وكان لي غاغة
من تاريخ زمن الإذاعة
العبادة هي طاعة
والمحبة في الشفاعة
لو صلاة الشعر فرض
والقصايد واخدة قرض
القبول محتاج لي شرط
تبقى جمعا ثم قصر
مش هتفرض ع العوام
أي حد والسلام
مستحيل هيكون إمام
يأمر الناس بالفضيلة
سيرة أصلا مش تمام
اختلافنا ع الإقامة
مش حكاية
بصمة الشاعر مراية
كل حرف وله مقام
استقيموا في القصيدة
يرحم الشيخ الإمام
هو كان عاجز حقيقي
بس كان من غير لجام
قضى عمره ويه صاحبه
كعب داير في الليمان
طوفي جوه الحلم وحدك
واخلعي نعل انتظاري
لو عبرتِ العشق قبلي
احذفيني من إجابتك
من ماضيكي المستعار
قبل ما يفوت الأوان
لو لمحتِ جوه منك
يوم خيالي
نبض قلبك قام وحط
والدموع نزلت بجد
هاتي كل الماضي بينا
واعملي من جسمه سد
كدبي الحلم اللي شافني
واصحي من نومك سبيه
مش هعيش الوهم تاني
مستحيل ارجع أسير
……وحيد علي الجمال……..
التعليقات مغلقة.