فرصة تانية … أشعار / ياسر عبد الحميد
فرصة تانية
يا اللي ياما ضربت كفي
بالسلام و ضحكت ليا
كنت صاحبي و قولت اكفى
فجأة جيت و غدرت بيا
لما قولت كلام في ضهري
لما كنت سبب في قهري
لما فيك ضيعت عمري
و انت جيت بعت القضية
فرصة تانية
هو انت فاكر لما ترجع
اني ح انسي و اقول سماح
جرحي فيك لساه بيوجع
دا، اللي فات مش يوم و راح
روح لحالك سيبني وحدي
ليه بتاخد مش بتدي
جاي تجيب الحق عندي
و انت عندي مافيش براح
فرصة تانية
فرصة تانية و مش عشانك
لا عشاني ح اعيد حسابي
درس،فادني من، زمانك
للصحاب ما افتحش بابي
اخدت منه، كل مِله، يشبهله
و اللي باعني ف يوم ح أمله
و لو رجعلي مش ح أمله
مش ح اسيبه ينول عتابي
فرصة تانية يا صديقي
العتاب ما بقاش يفيد
لما تبعد عن طريقي
يوم بعادك يبقا عيد
مش ح اشوف منك نفاق
قلب جاحد فيه رياء
مش ح اشوفك في اللقاء
و ان قابلتك،،
غصب عني هاروح بعيد
و ايه يفيد،،
لو باقيلك فرصة تانية
التعليقات مغلقة.