يابا_العمدة_طرفة لزين ممدوح
يابا العمدة
إلا قولى يابا العمده يطلع إيه الفستان السواريز ده؟ اسمه سواريه يا منيل على عينك
ده فستان عامل زى النيش كده فى البيوت مركون على الفاضى.واحيانا بيأجروه
بس حلوه قوى الفساتين دى..هى حلوه بعقل يا وله .الستات لما بتلبسه بتنور فى الضلمه .اشى شفاف واشى عفاف.
وشوفت كمان يا عمده ناس لابسه ملط ولا كأنه فيه حيا ولا خشى دول بتوع المهرجانات السينمائية ولازم يقلعوا علشان مفيش رقابه كاسره عينهم .المصيبة بيقولوا فن
عمر الفن ما كان مليطة كده أبدا
وطول ما بتدى ضهرك للترعه عمر البلهارسيا فى جتتنا ما ترعى .
بلهارسية إيه يا عمده اللى تديها ضهرك؟ بقولك بتوع المهرجانات! عارف يا أخى هى دى الكارثه مش قادر اديهم ضهرى
كلهم زى المهلبية يا وله !.
زين ممدوح
التعليقات مغلقة.