صح النوم يا عزيزتي الدنيا
بقلم الشاعر بكري جابر
خبَي الحلم ما بين أوجاعك
و اوعي ف مرة تفرط فيه
لأ … تداديه
إحلم بيه وكأنه حقيقة
إنسى حقيقة جرح الروح
إفتح باب السما واتكلم
سَلّّم ع اللي هناك مستني
و اوعى تبوح بالسر ياصاحبي
مهما تعبت
خبَي دموعك جوه ضلوعك
و اوعى تئن
حِنَ عليك … الصبر أهو طيب
جايز … طيب .. يبقى حقيقة
بس أشك …
إوعى تشك إنك بتدور
في رحاية سخيفة
عاشقة تبعتر حلم الخلق
وانك عايش وسط قلوب
لم تعرف حب…
حب حقيقي
كأنه يا صاحبي بداية الدنيا
ناااام على صدر الحلم و غني
أحضن فيك
إحلم إنك شبه النخل
مهما الريح ترميك بالغربة
اوعى تقول إنك مهزوم
صح النوم يا عزيزتي الدنيا
صح النوم يا عزيزي الحلم
إحنا في زمن الحلم النكته
إحنا في زمن الحب الوهم
إحنا في زمن الكلمة الشافية؟؟؟
آسف ….لأ
التعليقات مغلقة.