يا موج البحر ما تهدي
الشاعر بكري جابر
صباحكم قلب وشمس وحب
لما تبص بعين القلب على الدنيا
يحيا الحب
يا موج البحر ما تهدي
و حِنْ شويه ع الأحباب
طيور الحب أهي هاجرت
ومش عارفين ..
مين فينا صبح غايب ؟!
ومين فينا حضورُه غياب ؟!
ياليل كداب
انا مليت من الغربة
من الترحال
ما تيجي نبدل اللعبه
و آخد منك القمرة
و تاخد قلب عمره ما تاب
وانا راضي …
ح اغني لحد ما تسكر
و الاغي في نجمك المشتاق
و لو تقدر ….
هاسيبلك قلبي م الآخر
و رجّع لي اللي تاه مني
ولد عاشق و شوقُه بلاد
داير في الخلا وحدُه
بيرسم قلبه ع الحيطه
جمل و حصان
وكام نخلة مع ضفيرة
بنت الجان
ناس بتحب
سهم و قلب
و اكتبلي على كفُه
ب ريش الحب
مهما ان كان :
يحيا القلب
يحيا الحب
يحيا اللي ما خان قلبه
و عاش كداب
التعليقات مغلقة.