مين أنا …
خاطرة لسامح خير
و تسألني مين أنا !! هو فعلاً مين أنا!! مخلوق من تراب…تراب الارض… الارض الفانية…
مخلوق جعان… جعان مش للاكل… جعان لحب الناس… عطشان…عطشان لكلمة طيبة …محتاج…مش للفلوس…لكن محتاج لحضن وطن آمن يضمنى …
بتوه كتير بفكرى و عقلى…بتوه لإنى نسيت الهدف…نسيت أنى تراب و راجع تانى ليه…!
بزعل كتير…بزعل كتير من كلمة إساءة…بزعل لخسارة مادية…بزعل لضياع فرصة…لكن مزعلتش عمرى لضياع الهدف!
سألت و جُعت و عطشت و أحتجت و بعدين تهت و نسيت و زعلت…!
عارف لو سألتني تانى مين أنا!
حقولك انا مستحقتش أكون هنا!
و راح أسالك انت عملت اية عشان آخرتك بقى… فتقولى ياعم أنسى و كبر الجمجمة!
و أحزن عليك لما تقولى سبني… أصلي مشغول بجمع الغنا!
التعليقات مغلقة.