” آه من الوجع ” كلمات/ يحيى العبادي
موجوع ونفسي اروح مني
قبل همومي ما تهزمني
ابعد بعيد وانسي امبارح
قبل مانفسي تكلمني
والناس تقولي جرالك ايه
الي شاغلك قوله احكيه
أتطر احكي الناس همي
جوايه حزن ازاي اداريه
يادنيا لازم اروح منك
انسي كلام الناس عنك
واسكن بقبر يبقي الدار
ويسألوني هناك …عنك
انسي واقول انا مش فاكر
مع اني شاطر…. ومذاكر
لاكن عشان ربي كرمني
نساني وجعي مش ناكر
موجوع ولسه ياخلق بعيش
لسه الوجع ساكن ما مشيش
وعشان اتوه منه واهرب
ارحل بعيد عنكم ما اجيش
انا الي كنت ياناس عنوان
اجري واروح صحرا ووديان
لاقولت يوم انا مش رايح
ولا قولت انا اليوم تعبان
شالت كتير اوي اكتافي
كنت بحب الناس كافي
عشت لغيري. بقلب وروح
زي الحليب جواه.. صافي
لما الهموم قالت فينك
معايه ناس اوي عايزينك
قالو عليك عشت امبارح
احنا خلاص مش فايتينك
تعبوني نفسي اروح مني
اهرب بعيد وجعي هزمني
وافوت…… لهم كل الباقي
دول خلاص مش سايبني
التعليقات مغلقة.