إيه في الدنيا مستاهل
بقلم سولافا بسيوني
وإيه في الدنيا
مستاهل
بنبكي عليه؟!
نبص لحالنا
كان إزاي
وأصبح إيه.
و ازاي شكلنا
إتغير هموم
الدنيا باينه
عليه.
خسارة مين؟!
خسارة إيه؟!
ليالي إتلونت
قسوة في دنيا
غريبة ولا تسوى
تكسر فينا
وتجرح وفي
الأخر هناخد
إيه؟!
تجدد في الألام
مرة ويبان
علينا من بره
ولو سمعتنا
نتألم تجيب
الجرح دايسه
عليه.
خسارة مين؟!
خسارة إيه؟!
وإيه في الدنيا
مستاهل بنبكي
عليه؟!
دا حتى الفرح
مداري ولو
للقرب كان
ناوي
بييجي الحزن
وبيفرد قلوعه
عليه
كأن ليه عهد
علينا ما خلاش
الزمن فينا
بياخد بس ما
بيدي وبخل
الدنيا دايما
فيه.
خسارة مين ؟!
خسارة إيه ؟!
وإيه في الدنيا
مستاهل بنبكي
عليه؟!
التعليقات مغلقة.