الكيك الاقتصادى بقلم فاتن عبد العزيز
ياسلام على كوب الشاى الجميل ساعة العصارى وعشان الشاى يحلى لازم معاه كيك خفيف وهش .عشان كده تعالوا نعمل الكيك بمكونات موجودة فى كل بيت.
المقادير
3بيضات
كوب لبن
كوب سكر
3 ملاعق سمن
3 كوب دقيق
ذرة ملح
فانيليا
بيكنج بودر
الطريقة:
نضرب البيض مع السكر حتى يبيض الخليط ونضيف له الفانيليا (وممكن نضيف معلقة خل لانه بيمنع زفارة البيض)
نضيف السمن واللبن ونضرب الخليط كويس بالمضرب ..
نضيف الدقيق والبيكنج بودر ونقلب بخفة ..نصب الخليط فى قالب مدهون بالزبدة وندخله لفرن سخن.
لنجاح الكيك ( لا يفتح باب الفرن قبل مضى ثلث ساعة من وضع الكيك فى الفرن )
قبل خروج الكيك نختبر قلبها بغرس طرف سكينة بها إذا خرجت نظيفة فأنها استوت .
وبالهنا
التعليقات مغلقة.