صرخة وطن بقلم الشاعر الثائر محمد أمون
بين الجبل وبيادر الزّفِّه
ووديان تخفي دمعها بضفِّه…
لما على صفصافها الغراب
طل الصبح عالشوك متحفّي….
وهربِت طيور النور والايمان
وطفل الورد …بوراق الملفّه:
تركوه ع غصون الوجع دبلان
وسقيوه سم الوعد بالشّفِّه…
وما بين نيران وحِمم بركان
فيها الجحيم الوالع مكفي
صار الشعب مخنوق بالحرمان
وما في هوا بالصدر تَيكفّي..
الاخصام كتروا …تعددوا العدوان
من شعب خانع ع شفا الحفة
من الصيدلي لصاحب الدكان
للصوص جشعة فاقدة العفة
…
وللّي بعد ما حس انو انهان
ولا فار دمو بوجه هالغربان..
بيكون صرلو زمان متوقّي.
التعليقات مغلقة.