عرفت السر شعر جيهان النجار

أكونش سكرت ….من قولك
وصحيت السلام
فيا
تكونش أنت طبيب جراح وجرعة
كولاجين ليا
ببص فجاءة….
ف مرايتي
لقيت النور بيعكس
ضى ف عينيا
أنا استغربت …….لقيت صورتك
ف ظهر الصبر خلفية
عرفت السر…..
وحسن النية فى كلامك
عرفت انك بتعشق حق
وبتنور طريق
العشق اقدامك
عرفت ان حنانك خام
وبتحاول تعيش من تاني أيامك
بتقدم وفا وأخلاص تلاقي الحب
خدامك….. من الصالحين
يلبي كل احلامك
برمشة عين
وانا والله يا حبيبي ببصملك ….. وبعلنها
لأهل العشق
والموردين
مافيش سحر
هيسكرني
غير سحرك واسلامك
….عرفت السر .