عِشق نارها… شعر حسن أبو عرب
لَما تشُوفَك تبتِسِم
والضِحكَه صافيَه تِترِسِم
عَاملَه ملَاك!!
نَظرِة عينيها تخدَعَك
ع الحُب تحلف كام قَسَم
وانِ مفيش فى قلبَها
غِيرِى أنا
والحُب ما بينَّا اتقسَم
وانى نصِيبهَا وحَظَّهَا
بعد العذاب
بعد الألم
خَلَّتنِى أعشق اسمَهَا
بخيالى أوصل للقمم
صبحت حياتى ودنيتِى
والحب واقِع واتحَسَم
أتارِى البسمه والضحكه
فِخَاخ ملهاش عدد !!
يالا العجب
شَبَكِت قلوب عشاق كتير
الأولى هِيَّ فى الخِدَاع
حَصَدِت جوايز من دهب
خلَتنِى كارِه دنيتى
وعايش شريد
مع قلب فى الدنيا زهد
والروح مفارقَه للجسد
فاوعاك فى مره تنخَدَع
وتقاسي نارها
وتصير ضحيه
كماالحطب
آسف كرهت لكُل ضحكه
وشئ جميل
دى النار بتحرق
م الغضب
دى النار بتحرق
م الغضب
التعليقات مغلقة.