كباب على الفحم مطبخ فاتن
بقلم فاتن عبد العزيز
كلنا بنحب الشوى على الفحم والدنيا تدخن والريحة تجيب آخر الشارع ..يلا تعالى معايا نعمل أحلى كباب .
المقادير:
*كيلو لحمة ضانى او بتلو ويفضل تكون من الفخدة
*عصير بصلتين
*ملح وفلفل
*معلقة كبيرة خل
*معلقة صغيرة سكر
*معلقة صغيرة قرفة
*معلقة صغيرة جنزبيل
الطريقة :
نتبل اللحمة بعصير البصل والخل ومعلقة سكر وملح وفلفل والجنزبيل والقرفة ونسيبها طول الليل فى التلاجة تاخد وتدى مع نفسها عشان اللحمة تتشرب كويس من التتبيلة وانستجتها تلين ..ووقت الشوى نولع الفحم ونسيخ اللحمة ونحطها على الشبكة السلك فوق الفحم وتكون اللحمة بعيدة شوية عن الفحم عشان تستوى براحتها وما تتحرق ونهوى على الفحم شوية شوية مش طول الوقت .. لحد ماتاخد اللون الجميل ده وممكن نقدم معاها بطاطس محمرة او ارز بسمتى ومعاها طبعا طبق السلطة الخضرا وسلطة الطحينة.وبالهنا
أرجو انكم تجربوا طريقتى .
حلو جدا تسلم ايدك