كفتة الحاتى مطبخ فاتن عبد العزيز
المقادير:
كيلوالا ربع لحمة مفرومة
ربع كيلو دهن مفروم
بصلة متوسطة مبشورة ومتصفية
ماية البصل المفروم
معلقة صغيرة ملح
نص معلقة صغيرة فلفل اسود
نص معلقة صغيرة بابريكا
رشة من بهارات اللحمة او معلقتين كبار من توابل ماجي للكفتة
نص رغيف عيش بلدي متقطع
الطريقة
نبشر البصل ناعم ونصفيه من مائه ونتركه علي جنب .
هنقطع نص رغيف العيش ونحط علية ماء البصل ومعلقتين ماء كمان لحد مايبوش خالص ونصفية من اي مايه (ممكن جدا نستغي عن الخطوة دي لو الكفتة بتمسك معاكي كويس إنما لو بتبقي طرية ومبتمسكش علي العيدان أو اسياخ الشوي اعمليها )
طبق كبير ونحط فية اللحمة المفرومة ونحط البصل ونص رغيف العيش البايش ومتصفي والبقدونس المتقطع صغير ونقلبهم كويس .
وبعدين نحط بقا التوابل بتاعنا الملح والبابريكا والفلفل الاسود وبهارات اللحمة ونعجهم كويس بايدينا .
ونسيبها في التلاجة نص ساعة عشان المكونات كلها تتجانس وتمسك .
نجهز الاسياخ الحديد ونصبع اللحمة كلها.
نولع الفحم ونرص الاسياخ على الشواية ونقلب لحد ما تستوى الكفتة
نقطع بقدونس وبصل ونجهزه في طبق التقديم.
ترص الكفتة في طبق التقديم فوق البصل والبقدونس.
تقدم بالف هنا مع سلطة الطحينة والعيش البلدي والسلطة الخضراء
التعليقات مغلقة.