مطبخ فاتن ” التوست البيتى”… فاتن عبد العزيز
ليه نشترى التوست لما ممكن نعمله ويطلع أحلى من توست المصانع ..يلا معايا نعرف نعمله ازاى
المقادير
2 كوب دقيق
كوب لبن دافى
معلقة ص ملح
معلقة ص سكر
معلقة كبيرة خميرة
معلقة ص محسن خبيز
معلقتين كبار زبدة
الطريقة
ننخل الدقيق ونضيف له الملح والسكر والخميرة والمحسن واللبن ونعجن كويس لمدة 10دقائق .
ملحوظة(المخبوزات تحب العجن كل مازاد العجن تبقى النتيجة احسن )
نضيف الزبدة إلى العجينة ونعجن كويس عشان العجينة تورق معانا.
نترك العجينة تخمر .
بعد ماتخمر نفردها على رخامة مرشوشة دقيق ونلفها رول .
نضعها فى قالب التوست ونتركها تخمر وترتفع .
ندخلها فرن سبق تسخينه حتى تنضج .
بعد ما تخرج من الفرن تقلب وتترك حتى تبرد ثم تقطع شرائح
وبالهنا
التعليقات مغلقة.