مطبخ فاتن “بسكويت بالردة والشوفان” بقلم فاتن عبد العزيز
وزننا زاد فى الفترة الأخيرة بعد شهور الحظر والقعدة فى البيت عشان كده لازم نبعد شوية عن الدقيق الابيض ونستخدم الشوفان لفوائده الكتير والنهاردة عملت بسكويت بالشوفان يلا معايا نشوف الطريقة والمقادير.
المقادير
كوب شوفان مطحون
كوب رده ناعم
ربع كوب دقيق+باكو بيكنج ابو
بيضة +فانيليا
معلقتين زيت
معلقتين قرفة
لبن للعجن
معلقة سكر
الطريقة
نخلط المقادير كلها مع بعض لحد ماتتكون عجينة قابله للتشكيل ونفردها على الرخامة ونشكلها بالطريقة اللى تعجبك ممكن مثلثات أو مربعات او مستطيل زى ما أنا عملتها ونرصها فى صينية مدهونة بالزيت خفيف وندخلها الفرن وطبعا يكون الفرن سخن من قبل ماندخل الصينية على درجة حرارة 180 لحد ما تاخد لون ذهبى جميل وبالهنا
التعليقات مغلقة.