وهم افتراضي .. بقلم/وحيد علي الجمال
الخروج كان اضطراري
والطريق انا شايفه واسع
رحت فأرد في الخطاوي
كاني ماشي فوق حرير
مرة واحدة سمعت صوتها
اللي فيها القلب دايب
جوه شريان الوريد
انت ليه عمال بتجري
في السما عاوز تطير
انت ماشى فى سكه وحدك
ولا قلبك ده ضرير؟!
نفسي مرة لما نخرج
يبقى بينا حوار ظريف
مش ضارب لي البوز ونافر
زي ماتكون مني خايف
جنب مني تكون سعيد
طب ياست الكون ياغالية
اقبلي مني اعتذاري
وابدائي ياله الكلام
شوفت جوه عنيها طلقة
فجأة ضربت في الشرار
وانسحبها ليا اعلن
عن وقوع حالة انكسار
الطريق أضيق خالص
خدنا حارة جوه حارة
والسكون عشش مابينا
طفا بينا كام سيجارة
الطريق حب يشاغلني
عند كتفي وقام خابطني
وابتدي يحدد إقامتي
رافضه كان شئ اعتباري
والعتاب شكله اختياري
جوه مني انا كنت ثائر
كنت بجلد نفسي تاني
اصلي انا ديما اناني
حقها طبعا عليه
أنها تحس بوجودي
مش كلام ع الفيس بنكذب
لو فتحنا الحق مرعب
احنا عايشين عيشه تقرف
كلها وهم افتراضي
التعليقات مغلقة.