لازم نـتـلـسـع .
أسـمـاء الـبـيـطـار .
لازم نتلسع علشان في النهاية نقول : كان عندك حق !!
من اكتر الحاجات المستفذة و المشاكل اللي بنقابلها إنها تقريباً نسخة مُكررة من بعضها و مع ذلك لازم نخوض المشكلة !!
يمكن زمان كانت الحجة إن المجتمع مقفول .
سواء على المستوى العائلي .
أو على المستوى العام .
كنا ديماً نخاف على البنت و نقول اصلها خام .
و خام يعني ما مرتش بتجارب أو طلعت بره دايرة اسرتها
أو حتى جيرانها .
إنها كانت ممنوع تقعد وسط الكبار لو الأم جاي لها ضيوف .
ما كنش حتى عندها خبرة على السمع
ممنوع تخرج لوحدها و لو خرجت قبل المغرب تبقى في البيت
حاجات كتير من هذا القابيل أنا شخصياً عشتها .
إنما دلوقتي ايه الحجة بعد الانفتاح اللي وصلنا ليه ده !!
خصوصًا البنات .
إن البنت تقع في نفس المشكلة اللي زميلتها وقعت فيها .
و اللي كانت معاها فيها لحظة بلحظة
في ايديها جهاز بيحكي نفس مشكلتها مع اختلاف الأسماء فقط .
ليه بنبقي مصممين نمشي الطريق للأخر مع إن النهاية معروفة
ليه لازم نفقد جزء من جمال الروح اللي جوانا
ليه لما تييجي الحاجة الصح نبقى بنص قلب
ليه الحاجة الصح لما تييجي في وقتها بتبقى الثقة معدومة .
ليه و ليه و كان بأدينا من الأول
مش لازم تتلسع
على الأقل اسمع بقلبك و حكم عقلك .
التعليقات مغلقة.