“قرب منه “من ديوان إبنك يا مصر بقلم الشاعر محمود فوره
حـــصن نفســـك بالإخـــــلاص
ســـوره بـ ثلث كتــــــــــاب الله
وكمان سورة مع ســورة الناس
بتداوي هـــم جبــــال معــــاناه
تحميك م العين ومن الحــاسد
إقـــــرأ في آيات جــلا عـــــلاه
حتـــــى صـــلاتك ولا زكـــاتك
تشفـــي القلب وتبقــــــى دواه
حصــن نفســـــك بالقـــــــــرآن
ذكــر الله فـي أيـــاته وقـــــرب
عَمَّــــــر قلبــــك تقـــى وإيمان
إوعــــى تخــالفه أو يوم تهرب
إقـــــرأ آيـــــة الكرسي وجـرب
فيـــها هـــــدوء نفس الغضبان
هـــو بإيـــــده يسعــــد قلبـــك
وتكون فيــــها أسعــد إنســـان
هيخليك عمـــــرك ما هتغـــلب
طول ما بتخشــــــع للرحمــــن
زود بس فـــي طاعتـــه يحبك
ما هتعـــرف طريـــق الشيطان
قــبل مياخـــد الصحه ويسلب
بعـــــد القــــوه تلاقـــي شيبان
تلقــى العمــــر خلاص بيولـــي
ولا عــــارف هتـروح على فين
يــوم ورا يوم الدنيــــا بتجنـي
على صحتنــا خلاص واقعيــن
من يسندنــا في وقت الشـــده
غير بإيمـــانا ودعــــى والديـن
زى الشمس الصبح اهى شارده
وبنورها على المــــدى شايفين
ولَّا الصلـــى ع الهــادي بتجلب
رزق وبركـــــــه ليـــــوم الديـن
صلـــي وزيد في صلاته تلاقي
حب الله بقــــى نـــور ويقيـــن
إجبــــر خــــاطر فيـــــها غلبان
أو محتــــاجـها وعاش مسكين
في يتيم شفته في يوم متهان
حن عليـــه بأمـــــان وحنيــــن
كـــان وصـــــانا بــــها العــدنان
صلي عليه في صلاته دايمين
اوعى تكون ف الدنيا د عاصي
لأبــوك وامـــك دول غــــاليين
قلبك مهمــا يكــون يوم قاسي
إمـــلاه حب وعطــف وليــــــن
دا كفــــايه دعـــوة أمـــك ليك
وقت ما تبقــــى وحيد وحزين
قلبـــها مليــــان دعــى يحميك
أمـــك وأبــــوك لـــو راضييــن
عمر الدنيا ما تيجــــي عليـــك
دا رضاهم أغلــــى من العيــــن
كن على طاعته فيــها يرضيك
دايمـــاً فيـــــــــها رب العالمين
التعليقات مغلقة.